Autoritetet amerikane njoftuan mbrëmë se kanë vendosur një seri të re sanksionesh kundër rreth 20 zyrtarëve rusë, duke përfshirë bankierë, një grup paraushtarak neo-nazist dhe një bashkëpunëtor të afërt me presidentin rus Vladimir Putin të akuzuar për koordinimin e zhvendosjes së detyruar të fëmijëve ukrainas, raporton AFP.
Tre gratë e Kadyrov-it dhe tre vajzat e tij të rritura janë në listë. Masa shtesë u futën edhe kundër vetë liderit çeçen, i cili është nën sanksionet e SHBA-së që nga dhjetori 2017.
Kadyrov u promovua në gradën e gjeneral-lejtnant për rolin e tij në luftën e Rusisë kundër Ukrainës që filloi në shkurt, tha Ministria e Financave.
“SHBA do të vazhdojë të ndërmarrë veprime të forta për ta mbajtur Rusinë përgjegjëse për krimet e luftës, mizoritë dhe agresionin në Ukrainë”, tha Sekretarja e Thesarit e SHBA-së, Janet Yellen.
Rreth 22 zyrtarë dhe grupe janë futur në listën e zezë të SHBA-së, përfshirë zyrtarë të lartë të sistemit bankar rus, përfshirë Vladimir Komlev, i cili drejton sistemin e pagesave “Mir”.
Sanksionet kanë synuar një bashkëpunëtore të ngushtë të presidentit rus, Maria Lvova-Belova, e cila drejton komisionin presidencial rus për të drejtat e fëmijëve. Ajo akuzohet për “koordinimin e zhvendosjes së detyruar të mijëra fëmijëve ukrainas në Rusi”.
Këto sanksione ngrijnë asetet nën juridiksionin e SHBA dhe gjithashtu ndalojnë individët dhe kompanitë amerikane – duke përfshirë bankat ndërkombëtare që operojnë në SHBA – të bëjnë biznes me individë të listës së zezë.
Në të njëjtën kohë, Departamenti Amerikan i Tregtisë ndaloi eksportin e pajisjeve dhe softuerëve në Rusi dhe Bjellorusi.
Në listën e zezë është “Task Force Rusich”, i përcaktuar si një grup paraushtarak neo-nazist i lidhur me grupin Wagner. Ajo akuzohet se ka marrë pjesë në luftime përkrah forcave ruse në Ukrainë, veçanërisht afër Kharkiv, në verilindje.
Rusia nisi një pushtim të Ukrainës fqinje më 24 shkurt. Për të reduktuar aftësinë ushtarake të Rusisë, vendet perëndimore vendosën një sërë sanksionesh ekonomike ndaj saj. /tesheshi.com/
