Regjimi komunist i Koresë së Veriut ka reaguar ndaj sanksioneve më të fundit të OKB-së diktuar nga SHBA duke i konsideruar ato si “akt lufte”.
Në një deklaratë të Ministrisë së Jashtme të Penhianit, thuhet se sanksionet janë të barabarta me një bllokadë totale ekonomike, duke u klasifikuar “si një shkelje e dhunshme e sovranitetit dhe një akt lufte që shkatërron paqen dhe stabilitetin e Gadishullit Korean, rajonit dhe më gjerë.
“Shtetet e Bashkuara, të tmerruar plotësisht me arritjet tona bërthamore, po bëhen gjithnjë e më të tërbuar në lëvizjet për të imponuar sanksione”, thuhet në deklaratë, e ku më pas bëhet e ditur se projekti bërthamor do vijojë gjithsesi. /tesheshi.com/
