Shtetet e Bashkuara kanë vendosur sanksione të reja ndaj Rusisë në lidhje me çështjen “Skripal” dhe përdorimit të helmit nervor “neëbie” në Mbretërinë e Bashkuar, thanë agjensitë.
Uashingtoni do të bllokojë çdo ndihmë për Moskën “nga institucionet financiare ndërkombëtare” dhe të kufizojë eksportet e mallrave dhe teknologjisë në Rusi, tha të shtunën zëdhënësja e Departamentit të Shtetit, Morgan Ortagus.
Ajo shtoi se “masat e reja mund ta pengojnë Rusinë që të qarkullojë miliarda dollarë në tregtinë bilaterale.”
Këto sanksione do të hyjnë në fuqi pas një periudhe njoftimi 15-ditor për Kongresin, diku pas 15 gushtit dhe do të zgjasin së paku 12 muaj, njoftoi Departamenti i Shtetit.
Moska tha se sanksionet e reja do të dëmtojnë tashmë përkeqësimin e raporteve SHBA-Rusi.
Zv/ministri i Jashtëm rus, Sergei Rjabkov i tha stacionit shtetëror TV RT se ai shpreh keqardhje që marrëdhëniet e të dy vendeve janë bërë si një ndeshje politike futbolli në SHBA.
Ai shtoi se Moska i lidh sanksionet me zgjedhjet e ardhshme presidenciale amerikane dhe se Rusia ishte e gatshme të mbrohej nga çdo pasojë negative që ato mund të sjellin.
SHBA tashmë ka vendosur sanksione ndaj Rusisë që në vitin 2018. Kjo masë erdhi pasi ish-spiuni i dyfishtë Sergei Skripal dhe vajza e tij Julia u gjetën të helmuar në Salisbury Township më 4 mars 2018. Për javë të tëra, ata ishin në gjendje kritike në spital.
Londra akuzoi Moskën se qëndrontë pas helmimit, duke thënë se në sulm u përdor një gaz nervor i zhvilluar në epokën e BRSS. /tesheshi.com/
