Shtetet e Bashkuara kanë vendosur sanksione ndaj Fadil Novaliçit, kryeministrit të entitetit të Federatës së Bosnjës
Sipas Departamentit të Shtetit, në cilësinë e tij si Kryeministër i Federatës, Novaliç keqpërdori të dhënat për pensionistët për të mirën e partisë së tij politike, Partisë së Veprimit Demokratik (SDA), në kundërshtim me ligjet e Bosnjës.
Thuhet se në javën para zgjedhjeve të përgjithshme të 2018-ës, Novaliç përdori të dhënat për pensionistët, të cilat i kishte marrë përmes pozicionit të tij zyrtar, për të dërguar letra në të cilat ai renditi arritjet e tij dhe premtoi se do të rriste pensionet në një vend ku çështja e pensioneve ka një rëndësi të madhe politike.
Ky veprim është një shkelje e ligjeve të Bosnjes dhe pasqyron një model më të gjerë, të publikuar të përdorimit të pozicionit të tij të ndikimit politik për përfitime personale ose partiake, duke minuar proceset ose institucionet demokratike në Bosnje.
Novaliç është sanksionuar me vendim të O.O. 14033 për përgjegjësi ose bashkëpunim, ose pjesëmarrje të drejtpërdrejtë ose të tërthortë në veprime ose politika që minojnë proceset ose institucionet demokratike në Ballkanin Perëndimor.
Ndërsa i sanksionuari tjetër është një biznesmen i lidhur me Milorad Dodik, kreun e Republika Srpska-s.
Fjala është për Slobodan Stankoviç, një nga individët më të pasur në Bosnje, pronari i Integral, një firmë e madhe inxhinierike në Bosnje nga entiteti Republika Srpska.
Sipas amerikanëve, si Stankoviç ashtu edhe Integral janë të lidhur me korrupsionin në sektorin e ndërtimit, ku Integral fitoi disa nga projektet më të mëdha në RS falë afërsisë me udhëheqjen e e atyshme serbe.
Thuhet se Stankoviçit shpesh i jepen projekte të mëdha ndërtimi pa konkurrencë të drejtë dhe të hapur.
Ndaj pretendohet se shumica dërrmuese e pasurisë së Stankoviqit vjen nga paratë publike. /tesheshi.com/
