Aleksis Sanchez mund të jetë blerja më e re e Mancester City. Kileni që aktivizohet me Arsenalin, kërkohet me insistim nga trajneri i Citiziens, Guardiola, i cili ka qenë dakord me një ofertë shumë interesante që është përgatitur, për të bindur trajnerin e Arsenalit, Venger, që të pranojë lëvizjen e sulmuesit.
Sipas mediave në Kili, ku Sanchez është grumbulluar me Kombëtaren, Mancester City është gati të paguajë një shumë “të majme” për 29-vjeçarin, përveçse të japë si kundërlëvizje, njërin midis Sterling apo Aguero.
Normalisht, nëse zgjedhja e Venger do të jetë Aguero, shuma që City do të paguajë “cash” është më e vogël, pasi kartoni i argjentinasit vlerësohet shumë më tepër se ai i Sterling.
Nga ana e tij, mësohet se Sanchez ka kërkuar largimin e përkohshëm nga grumbullimi me kombëtaren, për arsye personale. Kaq ka mjaftuar, që mediat në Kili, ta lidhin këtë kërkesë, me afrimin dhe firmosjen e tij me Macester City. /tesheshi.com/
