Presidenti rus Vladimir Putin priti të hënën për bisedime krerët e qeverisë armene dhe të Azerbajxhanit, pas konflikteve të ashpra mes këtyre dy vendeve kaukaziane, ku Moska dëshiron të konsolidojë ndikimin e saj.
Samiti, i cili po mbahet në Soçi, në Rusinë jugperëndimore, vjen një muaj pas një konflikti kufitar në të cilin vdiqën 286 persona, numri më i lartë i vdekjeve që nga lufta e vitit 2020 për kontrollin e Nagorno-Karabakut, një zonë mbi të cilën kanë pretendimet dy ish-republikat sovjetikët.
Në një deklaratë, Kremlini theksoi se në takim do të diskutohen marrëveshjet e arritura vitin e kaluar me ndërmjetësimin rus dhe “masat shtesë për të forcuar stabilitetin dhe sigurinë” në rajon.
Putin, i cili tetë muaj më parë nisi një ofensivë kundër Ukrainës, e cila ka bërë që aleatët tradicionalë të distancohen nga Moska, dëshiron që Rusia të rifillojë rolin e arbitrit në rajonin e paqëndrueshëm, ku Perëndimi po investon përpjekjet e tij ndërmjetësuese.
Presidenti rus foli fillimisht “privatisht” për dy orë me kryeministrin armen, Nikol Pashinyan.
“Gjëja më e rëndësishme është sigurimi i paqes dhe krijimi i kushteve për zhvillim”, i tha Putin Pashinyan-it.
Kryeministri armen theksoi se gjëja më e rëndësishme për të është tërheqja e Azerbajxhanit nga Nagorno-Karabak, ku janë vendosur paqeruajtësit rusë dhe lirimi i robërve të luftës.
Më pas presidenti rus priti kolegun e tij nga Azerbajxhani, i cili e falënderoi për “fillimin e procesit të normalizimit”.
“Konflikti në Karabak ka hyrë në histori. Kjo çështje u zgjidh dy vjet më parë. Pra, ne me të vërtetë nuk kemi asgjë për të folur në situata të tilla dhe normalizimi i marrëdhënieve Azerbajxhano-Armene” kërkon “masa serioze”, tha Aliyev.
Në luftën armeno-azerbajxhane në vjeshtën e vitit 2020, më shumë se 6,500 njerëz vdiqën nga të dyja anët.
Lufta përfundoi me humbjen ushtarake të Armenisë dhe një marrëveshje të ndërmjetësuar nga Moska. /tesheshi.com/
