Bashkimi Europian ka vendosur që ë financojë 140 milionë euro për Shqipërinë, Kosovën dhe Serbinë, gjatë Samitit të Vendeve të Ballkanit Perëndimor që u zhvillua në Paris.
Siç bën të ditur Ministria e Jashtme e Shqipërisë, BE-ja do të financojë rikonstruksionin e hekurudhës Tiranë- Durrës, degëzimin e saj deri në Rinas, si dhe autostradën Prishtinë-Nish, e cila shikohet si degëzim i koridorit të rëndësishëm 10 me korridorin Ballkanik.
Komisioneri për Zgjerimin në BE, ohanes Hahn, deklaroi se deri në vitin 2020 Bashkimi Europian do të vërë në dispozicion 1 miliard euro për 6 vndet e Ballkanit Perëndimor.
Ndërkaq, në njoftimin e saj për shtyp, Ministria e Jashtme shqiptare thekson se
“vlera e investimit të hekuridhës Tiranë-Durrës shkon në 82 milionë Euro, nga të cilat granti i Bashkimit Evropian do të jetë 35 milionë Euro”. Pjesa tjetër fo të mbulohet nga qeveria gjermane.
Një tjetër rezultat i angazhimit të Shqipërisë në Procesin e Berlinit ishte dhe nënshkrimi i marrëveshjes për themelimin e Zyrës Rajonale të Bashkëpunimit Rinor, që do të ngrihet në Tiranë, për të financuar projekte që rrisin mobilitetin e të rinjve në rajon, mundësitë për kualifikime profesionale dhe shkëmbimet kulturore. Funksionimi i kësaj zyre do të mundësohet nga financimet e vendeve të rajonit dhe të Bashkimit Europian.
Kancelarja gjermane, Angela Merkel deklaroi gjatë samitit se “Ka procese politike të cilat nuk janë të lehta, por unë së bashku me presidentin francez Francois Hollande dhe Federica Mogherinin theksojmë se perspektivat për anëtarësim për vendet e Ballkanit perëndimor mbeten. Vendimi i Britanisë së Madhe për Brexit nuk ka ndryshuar asgjë lidhur me këtë. Kjo është ajo çka vendet kishin frikë. Përkundrazi, ne po flasim për kushtet që ato duhet të përmbushin me qëllim që të avancojnë në procesin e integrimit”.
/tesheshi.com/
