Një moment i bukur shqiptar ka qenë i takimit aspak të ftohtë mes kryeministrit Rama dhe presidents Osmani, teksa kjo e fundit eci në tapetin e kuq si pjesëmarrëse në Samitin e Tiranës – BE-Ballkan Perëndimor – mikëpritur nga i pari i qeverisë së Tiranës.
Edhe pse Osmani njihet për qëndrime anti-Rama, në takimin e në pozimin e tyre, kanë shfaqur një lloj “paqeje patriotike”.
Më pas, Osmani iu drejtua mediave duke u thënë: “Jam shumë e lumtur që gjendem në Tiranë, shpresoj që konkluzionet dhe deklarata do të shfaqin këtë përbashkësi të BE drejt një procesi të përshpejtuar drejt BE. Jam këtu si përfaqësuesja e vendit më pro evropian që ekziston”.
Ajo shtoi më tej se “BE-ja të lëvizë nga fjalët në vepra sidomos kur bëhet fjalë për liberalizimin e vizave për Kosovë. Kosova do të paraqesë në fund të këtij viti aplikimin për anëtarësim në BE”, tha Osmani.
E gjendur bashkë me Vuçiçin në Samit, ajo tha për presidentit serb se ai përcjell ende mentalitetin e viteve ’90 të politikës së Beogradit, e cila çoi në luftra të tmerrshme në ish-Jugosllavi. /tesheshi.com/
