Liderët europianë pritet t’i kërkojnë llogari kryeministrave të Shqipërisë dhe Kosovës për fluksin e azilkërkuesve në Europë dhe arsyet e kësaj vale. Opionioni është përgatitur prej kohësh, nga deklaratat dhe shkrimet e forta në gazetat më prestigjioze që kërkojnë arsyet e largimit të shqiptarëve nga vendi e vendosin gishtin mbi elitat politike dhe qeverisjen.
Samiti i Vjenës do të fokusohet në projektet e përbashkëta zhvillimore mes vendeve të rajonit, për të ngritur ura bashkëpunimi në Ballkan. Por, mesa duket problem i emigracionit do të zërë një vend qendror.
Samiti do të mbledhë të gjithë liderët e Ballkanit, kryeministrat, ministrat e jashtëm, ata të integrimeve evropiane, të energjisë dhe ministra të tjerë evropianë, duke përfshirë kancelaren gjermane Merkel, atë të Austrisë, Faymann, të Italisë, Renzi, të Kroacisë, Milanovic dhe të Sllovenisë, Cerar.
Në samit marrin pjesë edhe shefja e lartë e BE-së, Mogherini, komisioneri Hahn dhe shumë zyrtarë të tjerë.
Zgjidhja e konflikteve dypalëshe, projektet e infrastrukturës për komunikim më të mirë, lufta kundër ekstremizmit, janë disa nga temat kryesore. /tesheshi.com/
