Udhëheqësit e 28 vendeve anëtare të BE-së do të takohen në Bruksel për të rënë dakord mbi masa të reja për të kufizuar ardhjen e emigrantëve nëpër Detin Mesdhe.
Kancelarja gjermane Angela Merkel pret që takimi dy-ditor të shpëtojë pozitën e saj të tronditur nga një krizë emigrimi.
Ajo beson se do të jetë e mundur për të arritur një marrëveshje të përbashkët mbi azilkërkuesit dhe se do merrte marrë në konsideratë një “koalicionit të vullnetit” për t’ju përgjigjur situatës .
Merkel, në një fjalim plot pasion në Bundestag, tha se “ne nuk jemi ende aty ku dëshirojmë të jemi” në lidhje me migracionin, raportoi Reuters.
Gjithkush në Evropë është dakord, tha kancelarja gjermane, se është e nevojshme të zvogëlohet emigrimi i paligjshëm dhe politika e migracionit do të tregojë nëse BE ka pasur sukses apo jo.
“Vendimi ynë për të hapur dyert për refugjatët në vitin 2015 nuk ishte i njëanshëm”, tha ajo, duke shtuar se Gjermania veproi për të ndihmuar Austrinë dhe Hungarinë.
“Duhet të kthehemi në rregullat para 15 shtatorit 2015, sepse numri i emigrantëve ka rënë”, tha Merkel.
Ajo theksoi nevojën për të arritur një marrëveshje mbi migracionin me vendet afrikane, siç ishte arritur me Turqinë. /tesheshi.com/
