Siguria dhe stabiliteti i Ballkanit është në qendër të samitit të shefave të ushtrive të vendeve të NATO-s, që po mbahet në Tiranë, dhe do të zgjasë dy ditë.
Punimet e samitit u përshëndetën nga kryeministri Edi Rama, sipas të cilit Shqipëria do të vazhdojë me përkushtim të plotë për të përmbushur detyrimet e saj si çdo vend tjetër.
Por, Rama theksoi se e vetmja rrugë për të mbajtur larg terrorizmin nga Ballkani Perëndimor dhe për të garantuar stabilitetin është integrimi i këtyre vendeve në BE.
“Ne besojme fort se vetëm integrimi i plotë i vendeve të mbetura jashtë është rruga për stabilizimin e Ballkanit dhe vetë Evropes”, tha Rama.
Referuar marrëvëdhënieve mes vendeve të Rajonit, kryeministri tha se pas zgjedhjeve të fundit, Serbia ka dhënë sinjale në favor të një qasjeje të re politike në favor me NATO dhe BE.
“Maqedonia po bën përpjekje për axhenden integruese dhe për të nisur një marrëdhënie të re, duke i hapur shanset e vendit për pikëpamje evropiane.
Në Malin e Zi pati përpjekje të palëve të treta, duke ndërhyrë me qëllim destabilizimin e Ballkanit. .
Në këtë valë frymëzimi u prekën edhe vendet e tjera në rajon, por së fundi jemi dëshmitar se këto perpjekje morën pergjigje të qartë, falë perspektivës dhe mbështetjes së partnerëve euroatlantike”, u shpreh kryeministri. /tesheshi.com/
