I entuziazmuar nga samiti mes dy Koreve, prej shumë dekadash armike të betuara të njëra-tjetrës, shoqëruar dhe nga takimi mes dy lidërve respektivë, presidenti Trump është shprehur shpresëplotë se do të vijë dita kur Koreja e Veriut dhe Koreja e Jugut do të jenë në gjendje të jetojnë së bashku në paqe.
Më tej, kreu i Shtëpisë së Bardhë tha se së shpejti do të takohet me liderin e Koresë së Veriut, Kim Jong-Una, si pjesë e përpjekjeve për të denuklearizuar gadishullin Korean.
Koreja e Veriut dhe ajo e Jugut ranë dakord për një ndërprerje të të gjithë veprimtarisë armiqësore “në tokë, det dhe ajër”, që mund të shkaktojnë tensione dhe konflikte ushtarake. /tesheshi.com/
