Një ditë pas një samiti ballkanik për Ukrainën, në Tiranë po mbahet një tjetër samit, ai BE-Ballkan Perëndimor, ku u potencua një paketë miliardash që Brukseli do japë për vendet aspirante në juglindje të Europës.
Ishte Komisioneri për Zgjerimin Oliver Varhelyi që tha se vendet e rajonit duhet të bashkëpunojnë në mënyrë që të përfitojnë nga plani i rritjes ekonomike të BE-së.
“Është plan ambicioz. Do të vazhdojë deri në 2027. Kemi besim të plotë se ju do të arrini ti merrni të mirat që sjell ky plan. Do të dyfishojë ekonomitë e vendeve të Ballkanit Perëndimor për dhjetë vitet ardhshme. Ajo që ju po shihni tani para është shumë më shumë se ajo që do të kemi mundësi të shikojmë. Për planin e rritjes të gjitha vendet e rajonit, duhet të ecin para vetë me shpejtësi dhe të arrihen rezultate”.
Më herët, në hapje të samitit, kryeministri Rama tha se duhet “të lëmë pas ndasitë e së shkuarës dhe të ecim para”.
“Plani i ri i Rritjes i BE-së në vetvete është një rezultat inkurajues.
Për mua është shumë qartë se mundësia e re që përfaqëson ky plan që është jashtë kornize është jo vetëm njohje nga ana e BE-së e përpjekjeve tona për të ndërtuar një përpjekje të përbashkët na sfidon për të gatishmërinë tonë për fatin në BE. Në duhet të angazhohemi pas asnjë rezervë, pa asnjë hezitim.
Vendet e rajonit të bashkëpunojnë. Çështjet dy palëshe mbeten por duhet të zgjidhen përmes dialogut dy palësh dhe jo të ndërhyjnë në këtë bashkëpunim shumëpalësh”, arsyetoi Rama. /tesheshi.com/
