Mediat maqedonase kanë pasur si lajm kryesor sot investimin e miliarderit shqiptar Samir Mane për të ndërtuar Skopje East Gate, një qendër tregtare të madhe si ajo e Tiranës, tip TEG.
Siç bën të ditur Makfax, leja është dhënë që nga qeveria e Gruevskit, por mësohet se ka pasur negociata të reja edhe me Zoran Zaevin, ku thuhet ka “hyrw mik” Edi Rama.
Mediat maqedonase botojnë një njoftim të vetë grupit Balfin që thekson se Skopje East Gate do të ketë një sipërfaqe prej 155,000 m2 dhe ndodhet 1.5 km larg qendrës së Shkupit, në kryqëzimin e dy rrugëve kryesore, “Aleksandri i Madh” dhe “Belasitsa”.
Ndërkaq, Dnevnik e cilëson këtë investim si më të madhen sipërmarrje private e këtij lloji në Maqedoni.
Planet e zhvillimit përfshijnë një qendër të re tregtare prej 45,000 m2, një bllok rezidencial dhe një qendër zyrash. Investimi total i kompanisë është planifikuar të jetë rreth 180 milionë euro në një periudhë prej 5-7 vjetësh
Balfin Group aktualisht zotëron qendrën tregtare në zemër të Shkupit, pikërisht përballë Parlamentit, Skopje City Mall, e cila ju shit vitin e kaluar një investitori të huaj, duke shënuar transaksionin më të madh imobiliar në tregun e kapitaleve në Maqedoni. /tesheshi.com/
