Gjykata Supreme ka hequr masën e paraburgimit për ish-komandatin e UÇK-së, Sami Lushtaku duke e liruar nga të gjitha akuzat për krime lufte. Këtë e ka konfirmuar Arianit Koci, avokati i Lushtakut.
Kujtojmë se kryetari i Skenderajt u dënua me 12 vite burgim nga Gjykata Themelore në Veri të Mitrovicës, vendim që u morë në bazë të dëshmisë së dëshmitarit të mbrojtur “D”.
Mirëpo, në nëntor të vitit 2016 Gjykata e Apelit e shpalli atë të pafajshëm për veprën penale “Vrasja e një personi civil të burgosur shqiptar”, me ç’rast i hoqi 12 vjet burg, me të cilat u dënua fillimisht nga Gjykata Themelore në Mitrovicë.
Megjithatë, Apeli e dënoi Lushtakun me 7 vjet burgim për veprën penale “Krime lufte kundër popullatës civile”, që ndërlidhet me përgjegjësinë komanduese, nga e cila akuzë ishte liruar më parë nga Gjykata Themelore e Mitrovicës. /tesheshi.com/
