Aventura e Sam Allardyce-it në krye të kombëtares së “tre luanëve” do të merrte fund me turp pas 67 ditësh në detyrë dhe një ndeshjeje, kur ai do të largohej në shtator për shkak të ca historive të zbuluara nga media e që e njollosnin keq atë.
Allardyce do ta kërkonte fort atë detyrë; një aventurë që përfundoi shpejt me dëmtimin e rëndë të imazhit të tij. Të “papërshtatshme” e quajti sjelljen e tij asokohe FA-ja, autoriteti i futbollit anglez.
Sot Allardyce është rikthyer të drejtojë prapë një skuadër. Pas shkarkimit të Alan Pardew-së, drejtuesit e Kristëll Pallasit e kanë emëruar atë trajner të ekipit.
Një nga drejtuesit e klubit, Steve Parish, e quajti Kristëll Pallasin me fat që të gjente të disponueshëm dikë në nivelin e Sam Allardyce-it.
62-vjeçari parashikohet të qëndrojë dy vite e gjysmë në detyrë, siç e përmban marrëveshja.
“Ju merrni përgjithësisht një punë të re sepse ka vështirësi në një klub,” tha trajneri i emëruar në faqen elektronike të klubit.
Kristëll Pallas renditet në vend të 17-të në Premier League, ndërsa kërkon t’i largohet zonës që të zbret një kategori më poshtë. /tesheshi.com/
