Një status i pazakontë është përcjellë për publikun nga kreu i PD-së, Lulzim Basha.
Kryedemokrati ka cilësuar si njeriun e “erës së ndryshimit”, njeriun më problematik të momentit për BE-në, ministrin e Brendshëm italian, Matteo Salvini, njëherësh z/kryeministër. I njohur dhe si kreu i Lega-s, një parti e ekstremit të djathtë eurospektike dhe anti-emigrant, Salvini ka shkruar një status prej së cilit është mikluar Basha.
“Koha e mafias ka stërpërfunduar! Tani duhet të demostrojmë se shteti është më i fortë. Dua të kujtohem, në fund të udhëtimit, si njëri që më shumë se të tjerët luftoi Camorrën, ‘Ndrangheta-n dhe Mafian, duke u angazhuar në një turne, rajon pas rajoni”, është shprehur Salvini, i mbështetur më pas nga Basha:
“Mirësevjen ‘Era e Ndryshimit’, Matteo Salvini. Shumë shpejt edhe nga kjo anë e Adriatikut. Mafia shqiptare dhe Rama, që drejtojnë narko-shtetin, duhet të ndjejnë ‘nxehtësinë’ nga Italia, në vend të gënjeshtrave, marrëveshjeve dhe fshehjeve të së shkuarës”, shkruan kreu demokrat. /tesheshi.com/
