Ministri i Brendshëm italian, njëherësh zv.kryeministër, Matteo Salvini, ishte në Tunizi me mision frenimin e emigrantëve të ardhur në Itali nga ky vend afrikan.
“Prioritet është bllokimi i qindra e mijëra të ardhurve të pakontrolluar që kemi përjetuar vitet e fundit”, tha Salvini në një konferencë të përbashkët shtypi me homologun e tij tunizian, Hisham al-Frattijem.
“Ne po punojmë me autoritetet tuniziane për të kthyer në Tunizi ata që vijnë nga Tunizia”, tha ministri italian, që është dhe kreu i Lega-s, parti e ekstremit të djathtë anti-emigrantëve.
“Nëse ata vërtetohen se janë tunizianë, ata do të kthehen”, tha ministri i Brendshëm në qeverinë e Rabatit.
Disa organizata joqeveritare tuniziane kundërshtojnë rritjen e shkallës së dëbimit prej 80 ditësh, nga Italia në Tunizi.
Më 22 shtator, Italia liroi gjashtë peshkatarë tunizianë të arrestuar më 29 gusht për shkak se anija e tyre ishte tërhequr nga një anije emigrimi që besohej se ishte e destinuar të arrinte në Itali.
Ndërsa numri i të lindjeve në Itali po zvogëlohet, tunizianët që kërkojnë punë po përpiqen të kalojnë Mesdheun për të mbërritur në këtë vend.
Sipas Ministrisë italiane të Brendshme, 4,487 tunizianë arritën ilegalisht këtë vit në Itali, ndërsa në vitin 2017 arritën 6,092. /tesheshi.com/
