Lideri i LEGA-s, e njëherësh nr.2 i qeverisë italiane, Matteo Salvini njoftoi se ai do të presë një tubim të madh të nacionalistëve evropiane dhe partive të ekstremit të djathtë, për të promovuar vizionin e përbashkët politik përpara zgjedhjeve për Parlamentin Evropian në maj.
Ky hap i Salvinit, tenton t’i bëjë një bllok partive tradicionale, atyre të djathta e të majta në Europë.
“Në maj në Itali, po përgatitemi për një ngjarje të madhe për Evropën e 30 viteve të ardhshme, për të cilat do të ftojmë të gjithë lëvizjet europiane që përfaqësojnë një alternativëndaj sundimit të socialistëve dhe Partisë Popullore Evropiane – PPE vitet e fundit“, tha Salvini.
“Do të jetë hera e parë që një veprimtari e cila mbledh të paktën 15 ose 20 vende evropiane, do të zhvillohet në Itali”, shtoi ai i gjendur në Paris.
Ai nuk bëri të ditur se cilat parti të tjera iu bashkuan iniciativës.
Liga pret që ngjarja të organizohet në ish-stadiumin antik romak për karrocat e garave, Circus Maximus. /tesheshi.com/
