Zv.kryeministri dhe ministri i Brendshëm italian, Matteo Salvini akuzoi komisionerët evropiane për shkatërrim të Evropës dhe Italisë, duke theksuar se ai shpresonte se zgjedhjet për Parlamentin Evropian që do të mbahen vitin e ardhshëm, do të sjellin një imazh të ri politik të Bashkimit Evropian.
“Njerëz si Presidenti i Komisionit Europian, Jean-Claude Juncker dhe Komisioneri Evropian për Çështjet Ekonomike, Pierre Moskovics kanë shkatërruar Evropën dhe shtetin tonë”, u tha ai gazetarëve në Romë, raporton Reuters.
“Ne po përpiqemi ta ndryshojmë Evropën nga brenda dhe shpresojmë se zgjedhjet e ardhshme të majit do të na ndihmojnë në këtë. Nëse kjo nuk ndodh, gjërat do të jenë shumë të vështira”, tha Salvini.
Qeveria italiane me theks populist, dhjetë ditë më parë ka miratuar draftin e një ligjit të ri e të rreptë mbi azilin dhe riatdhesimit, të përgatitur pikërisht nga Salvini, kreu i partisë anti-emigracionit Lega.
Pas dritës jeshile të qeverisë, ligji duhet të nënshkruhet nga presidenti Mattarella, i cili vepron si mbrojtës i Kushtetutës.
Më pas, ligji duhet të kalojë për votim në parlament. /tesheshi.com/
