Dhjetëra mijëra mbështetës të partive të opozitës së krahut të djathtë të Italisë, të udhëhequr nga LEGA e Salvinit, i cili u largua nga qeveria dy muaj më parë, u mblodhën në qendër të Romës për të protestuar ndaj qeverisjes së re të të majtëve në aleancë. Risi qe dhe prania e Berluskonit 83-vjeçar, nën hijen e të cilit Salvini përçoi mesazhet e tij.
“Kjo është Italia që funksionon dhe vuan, ëndërron dhe shpreson”, tha Salvini.Dy muaj më parë, ai humbi në shahun politik, pasi duke tentuar të bëhet kryeministër, doli fare nga qeveria e përfundoi në opozitë si pasojë e një koalicioni mes 5 Yjeve dhe Partisë Demokratike.
“Ne jemi njerëz që jemi kundër elitave dhe do të ndryshojmë historinë e këtij vendi”, tha Salvini.
Ish-kryeministri e quajti qeverinë e re “më të majtën në histori” dhe tha se ai ishte futur në politikë 25 vjet më parë për të shpëtuar Italinë nga komunistët, duke thënë se kërcënimi ishte sot më i madh se kurrë. /tesheshi.com/
