Drejtori i ri sportiv i Bajernit të Mynihut, Hasan Salihamixhic, e ka marrë “me vrull” të madh punën e re tek klubi bavarez.
Vendimi i parë që boshnjaku ka marrë, ka qenë ndalimi rreptësisht i duhanit në ambjentet e klubit dhe mundësisht jashtë tij, jo vetëm për lojtarët, por edhe drejtuesit, madje edhe vetë trajnerin Anceloti.
Ky i fundit është më i “rënduari” nga urdhëri i drejtorit sportiv, pasi dihet që e konsumon shumë duhanin, gjatë stërvitjes së skuadrës dhe gjatë ndeshjes së Bajern zhvillon.
Duke mos hequr dorë prej vitesh nga ky zakon, Anceloti nuk “ia ka vënë veshin” njeriu për të hequr dorë nga duhani, pavarësisht kalimit të viteve. Por është dashur një boshnjak i afruar këto ditë tek Bajern, që t’ia mbledhë Don Karletos.
Vetë trajneri italian e ka marrë me filozofi këtë ndryshim të papritur.
“Më bën mirë për shëndetin ta lë duhanin. Plus që gruaja ime është shumë e lumtur”, ka thënë duke qeshur Anceloti.
