Vendimin e popullit Britanik për të dalë na Bashkimi Europian e ka komentuar edhe ish kryeministri Sali Berisha. Ai e ka cilësuar këtë si një ditë të trishtë për Bashkimin Europian, për vetë Britaninë e Madhe dhe për të gjithë.
Berisha ka vlerësuar figurën e kryeministrit Britanik David Cameron, për të cilin tha se ra duke luftuar si një luan në këtë betejë.
“Një ditë e trishtë për të gjithë; fiton Brexit!
– Për UK, promotor kryesor i lirisë së tregut në Europë dhe në botë, rolin e ardhshëm e të gjithanshëm të saj në kontinentin tonë dhe kontinente të tjera.
– Për BE që deri dje besohej si projekt i parikthyeshëm dhe tani humbi njërin prej vendeve më kryesore të tij, humbi Britaninë e Madhe dhe së bashku me të anëtarin e këshillit të sigurimit me të drejtë veto në OKB, njërin nga dy fuqitë e tij bërthamore, vendin që prodhon 1/6 e GDP së BE
– Për të gjithë të tjerët që konsiderojnë integrimin në BE si të ardhmen më të mirë të vendit të tyre
– Për David Cameron, anglezin e madh që ra në këtë betejë duke luftuar si luan, por dhe duke dëshmuar veten si kryeministri më demokrat i planetit dhe vendin e tij të madh si vendin më të lirë të kësaj toke!”, – shkruan Berisha në Facebook. /tesheshi.com/
