Pjesa e gjoksit të pulës, nuk është gjithmonë e pëlqyeshme për shkak të mungesës së një shije të plotë apo thatësisë që i ndiejmë në qiellzë, ndërsa e hamë. Nëse marinohet me salcën e duhur, nuk do të ketë më shijen e mëparshme dhe mund të kthehet në një nga pjatat tuaja të preferuara!
Përbërësit për 4-6 persona:
1 lugë gjelle mjaltë
2 lugë gjelle vaj ulliri
2 lugë gjelle uthull balsamike
1 lugë gjelle mustardë
kripë, piper, rigon, majdanoz i thatë i grirë
një pulë e ndarë në copa
Përgatitja:
Përziejmë në një tas të gjithë përbërësit e mësipërm. Mishin e pulës e hedhim në një qese plastike, shtojmë aty salcën e mësipërme, e mbyllim mirë qesen dhe e lëmë në frigorifer për 2-3 orë për t’i dhënë mundësi aromave që të përzihen me njëra-tjetrën dhe me mishin.
Më pas heqim mishin nga qesja dhe e pjekim. /tesheshi.com/
