Sulmuesi i Egjiptit dhe Liverpool-it, Mohamed Salah fiton trofeun e lojtarit më të mirë të Afrikës për vitin 2017.
Forma e shfaqur në Premier League dhe sigurimi i pjesmarrjes së Kombëtares së tij në Botëror, e ka bërë Salah të jetë më i preferuari mes të gjithë futbollistëve të tjerë të kontinentit të nxehtë.
Në rivalitet me të, por pa mundur të fitojë pikë sa egjiptiani, u rendit sulmuesi nga Gaboni, Pierre Emerick Aubameyang. Lojtari i Borusias së Dordmund ndoshta nuk është ngjitur në podin e më të mirit, për shkak të formës jo optimale që ka shfaqur së fundmi.
Në vendin e tretë u rendit mesfushori nga Guinea, Keita, që ka rënë në sy në kampionatin spektakolar që zhvilloi Leipzig, sezonin e shkuar, por edhe këtë sezon që renditet në vendin e dytë. /tesheshi.com/
