Liverpool u ndal më në fund nga Manchester City, duke humbur në Etihad përballë skuadrës së Pep Guardiolës, të cilën e ka mundur rregullisht këto vite përveçse në fushën e saj, te e cila ka dalë së paku 6 herë kokëulur. Një 2-1 që skuadrës së Jurgen Kloop i dëmton vetëm prestigjin, atë të fituesit të pathyeshëm këtë sezon.
Ishte Liverpool që fillimisht tronditi portën e City-t, ku një asist mjeshtëror i Salah për Mane i dha mundësinë këtij të fundit të godiste…por shtyllë, e më pas një rrëmujë që e çon topin tej vijës fatale, por pa u regjistruar si gol. Më pas vjen goli i Agueros e mbyll pjesën e parë 1-0 për City-n.
Në pjesën e dytë fjalën e ka Liverpool dhe Firminho barazon. Por nën vrullin e kërkimit të avantazhit, një zbritje e shpejtë e City-t bën që Sane të kalojë sërish ekipin në avatnazh.
Fundi ishte një përpjekje e parreshtur e ekipit të Kloop për të barazuar, edhe me një Shaqir të aktivizuar në 15 minutat e fundit, por pamundur. Nukishte mbrëmja e Liverpool, sepse nuk ishte as e Salah, i cili mbeti në hije në 90 minuta…/tesheshi.com/
