Ai ka shitur një veshkë me shpresën se do të mund të shpëtonte jetën e fëmijëve të tij, por për fat të keq, kushtet e tyre shëndetësore janë përkeqësuar. Yogita, Anisha e Harsh janë tre fëmijë indianë, të tre tepër obezë. Babai i tyre shiti njërën prej veshkave nëpërmjet një operacioni kirurgjik për të shpëtuar jetën e fëmijëve, por shëndeti i tyre vijon të përkeqësohet.
Fëmijët, të cilët janë katër, gjashtë dhe tre vjeç, peshojnë të tre bashkë 100 kilogramë dhe pas operacioneve të shtrenjta, të cilave iu janë nënshtruar rreth një viti më parë, gjendja e tyre nuk është përmirësuar. Sot Yogita peshon 37 kilogramë, Anisha 56 dhe Harsh 20.
“Operacioni nuk i ndihmoi shumë fëmijët e m’i”, – tregon babai për Daily Mail. Fillimisht u duk se të vegjlit u përmirësuan disi, por pas shumë pak muajsh nisën të fitonin sërish peshë. “Nëse do të vijojnë të shëndoshen në këtë mënyrë, shumë shpejt nuk do të mund të ecin më. Unë dhe bashkëshortja jemi munduar të reduktojmë vaktet e tyre ushqimore, por asgjë nuk po jep rezultat”, – thotë i ati. /tesheshi.com/
