Samir Ujkani e ka cilësuar si pozitive humbjen minimale 1-0 të Kosovës ndaj Kroacisë. Portieri dhe kapiteni i kombëtares kosovare tha në përfundim të ndeshjes se ekipi bëri një ndeshje të mire, ishim të organizuar kundër një skuadre me lojtarë të mëdhenj.
“Ndeshja ishte mirë e organizuar nga ana jonë. Ishim shumë kompakt si skuadër, por te goli nuk kemi qenë të fokusuar mire. Kundër një ekipi me lojtarë që luajnë me skuadra të madha është vështirë të bësh lojë më të mirë.
Treguam që nuk kemi vetëm talentë, por një ekip i madh që po rritet.
Është pak problem ndeshja ndaj Finlandës për shkak të udhëtimit, por do të shkojmë në Shkodër për fitore”, tha kapiteni i Kosovës. /tesheshi.com/
