Sajmir Tahiri, ish-ministër i Brendshëm, ka reaguar në lidhje me akuzat që iu drejtuan pas arrestimit të Moisi Habilajt nga policia italiane.
Ish-ministri i Brendshëmshkruan në rrjetet sociale se drejtësia duhet të vendoset për këdo që shkel ligjet, madje dhe për ata që kanë vrarë.
“Lulezim Basha e jo vetëm, paska përsëritur akuzat meje. Nuk më kanë bërë përshtypje atëherë, nuk më bëjnë as sot. Nuk pastrohesh dot Lulëzim sado të të rritet karrigia. Vodhe e vrave e ia ke hedhur deri më sot, për të shërbyer si kujtesa më e fresket e drejtësisë, që nuk kemi e që nuk u bë dot kurrë. Sa për këta që i quan kushërinjte e mi, drejtësi deri në fund e dënim maksimal. Për këdo, pa dallim e pa përjashtim”, shkruan Tahiri.
Ndërkohë që sot në media u raportua për një operacion ku u shkaterrua nje bande e trafikimit te droges mes Italisë dhe vendit tonë, ku në pranga ka rënë një prej të afërmve të Tahirit, Moisi Habilja së bashku me dy bashkëpunëtorët e tij, Maridian Sula dhe Fatmir Minaj. /tesheshi.com/
