Sajmir Tahiri, ish-ministër i Brendshëm, nuk ka nguruar të drejtojë gishtin mbi Lulzim Bashën dhe Fatmir Mediun, që sipas tij duhej të ishin para drejtësisë, ndërkohë që ndodhen në sallën e Parlamentit.
Ndryshe nga shumë kolegë të tij deputetë të PS-së, që në këto seanca të para parlamentare kanë nuk kanë krijuar përplasje me opozitën, duket se Tahiri nuk ka gëlltitur akuzat që për mbi 3 vjet PD ka artikuluar ndaj tij, gjatë kohës që mbante detyrën e ministrit të Brendshëm.
“Kur vjedhja na është përplasur syve, e dhuna deri në vrasje të fortë, deri në sytë tanë saqë s’e kemi menduar ç’lloj drejtësie iu kemi sjellë fëmijëve. Ca drejtësia s’i ka arrestuar fare, ca sot fshihen në bunkierin e Parlamentit duke mos na kursyer të gjithë neve së bashku.
Ata që na shfaqen ndonjëherë me fytyrë tjetër, ndonjëherë me karrige tjetër sot duhet të ishte para drejtësisë. Sot prap këtu i kemi të veshur dhe me detyra tjera, madje këtu në Parlament.
Nuk arrij ta kuptoj dot sesi Lulzim Basha, Fatmir Mediu është akoma në Parlament dhe nuk është gjykuar për Rrugën e Kombit, për Ziverin, Aleks Nikën e shumë të tjerë. Ky është turpi i drejtësisë.
Është vështirë sot të hapësh një faqe të re në këtë histori që të paktën mund t’ja kursejmë njëri tjetrit këtej e tutje llumin e madh të baltës që fusim këtu për të përmbytur shtëpitë e njerëzve.
Në fund të ditës këta lloj shqiptaësh mund të jenë të lumtur me tifozllikun e tyre për neve, por në fund të ditës do jenë prap vetëm, vetëm dhe me hallet e tyre”, tha Tahiri. /tesheshi.com/
