Ministrja e Arsimit të Lartë në Francë, Frederick Vidal ka ndezur një valë kritikash nga dekanët e universiteteve, pasi ajo paralajmëroi për përhapjen e të ashtuquajturit “Islamo-majtizëm” në institucionet akademike franceze. Eshtë kjo një tjetër sajesë francez me në fokus Islamin, pas të ashtuquajturit “Separatizëm islamik”, një sajesë e Macronit
Paralajmërimi i ministres erdhi dy ditë pasi u miratua ligji i diskutueshëm mbi këtë të fundit, raporton AFP.
Termi “Islamo-majtizëm” në Francë përdoret shpesh nga politikanët radikalë të krahut të djathtë për të diskredituar kundërshtarët e majtë, të cilët i akuzojnë ata se mbyllin sytë para rreziqeve të asaj që ata e quajnë “ekstremizëm islamik” dhe mbivlerësojnë frikën e racizmit dhe identitetit.
“Macron anon nga e djathta ekstreme”
“Unë mendoj se ‘Islamo-majtizmi; po e ha të gjithë shoqërinë tonë dhe universitetet nuk janë immune, pasi janë pjesë e shoqërisë sonë,” tha Vidal të dielën për televizionin CNeës.
Komente të tilla vijnë në një kohë të debatit të nxehtë dhe mendimeve të ndara në Francë mbi atë që presidenti Macron e quajti “Separatizëm islamik”, duke aluduar në shkeljet e pretenduara të muslimanëve të ligjit francez në komunitetet e mbyllura islame dhe nxitjen e sulmeve terroriste në Francë.
Të martën, Parlamenti francez miratoi një projektligj të rreptë që lejon autoritetet shtetërore të ndalojnë grupet fetare të konsideruara ekstreme.
Kritikët kanë akuzuar kohët e fundit Macron për animin nga e djathta ekstreme përpara zgjedhjeve presidenciale të vitit të ardhshëm, që sondazhet sugjerojnë se ka të ngjarë të jetë një përsëritje e garës 2017 kundër Marina Le Pen, udhëheqësja e ekstremit të djathtë të partisë anti-emigrant të Frontit Kombëtar.
Dekanët të shokuar nga debati i pafrytshëm
Në përgjigje të komenteve nga ministrja, Kolegji i Dekanëve të Universiteteve Franceze lëshoi një deklaratë të martën duke shprehur “tronditje në një debat tjetër të pafrytshëm mbi çështjen ‘Islamo-majtiste’ në universitete”.
Kolegji në fjalë, i cili përfaqëson udhëheqësit e universiteteve franceze, dënoi përdorimin e këtij termi të përcaktuar në mënyrë të paqartë, duke thënë se ai duhet të lihet me të djathtën ekstreme “që e përhap atë”.
Ministri i arsimit Jean-Michel Blenker gjithashtu paralajmëroi në tetor të vitit të kaluar se “e majta islamike” po shkaktonte “kaos” në akademinë franceze.
Vidal gjithashtu njoftoi se ajo do të urdhërojë studiuesit të hetojnë problemin e “shikimit të gjithçkaje nga perspektiva e përpjekjes për të krijuar ndarje”, të cilat, tha ajo, përfshinin ata që përqendrohen në çështjet e kolonializmit dhe racës.
“Garancia themelore e Republikës sonë”
Vidal tha në Parlament të martën se, kur asaj iu kërkua të jepte shpjegime shtesë, nxiti një hetim që do të përcaktonte se “çfarë është kërkimi akademik, dhe çfarë është aktivizmi dhe mendimi”.
Por Qendra Kombëtare për Kërkime Shkencore, të cilën Vidal e porositi të kryejë këtë kërkim, reagoi shpejt dhe dënoi “përpjekjet për të legjitimuar fushat e kërkimit si studimet postkoloniale”, pavarësisht se ranë dakord të përgatisnin një përgjigje.
Zëdhënësi i qeverisë Gabriel Atal u distancua nga ideja të mërkurën, kur u pyet gjatë një konference shtypi se cili ishte mendimi i Macron mbi këtë çështje.
Atal tha se presidenti “qëndron për pavarësinë absolute të studiuesve akademikë”, duke shtuar se kjo është “garancia themelore e Republikës sonë”.
Lëvizjet anti-racizëm, të tilla si Black Lives Matter, e cila filloi në Shtetet e Bashkuara dhe bëri jehonë në Francë, ngjallën frikën se Franca do të prezantonte politikat amerikane të identitetit dhe racizmit.
Një brez i ri i aktivistëve të rinj
Mame-Fato Niang, një akademike me lëkurë të errët që studion racën dhe identitetin në Francë, dënoi propozimin e ministres Vidal për të kryer një hetim, duke thënë se kjo do t’i vinte ata që studiojnë kolonializmin dhe racizmin nën një kontroll të padrejtë.
“Studiuesit e pakicave janë konsideruar aktivistë për vite me rradhë,” shkroi ajo në Twitter.
Ekziston edhe një brez i ri i aktivistëve të rinj francezë, të cilët flasin hapur për problemin e racizmit në Francë dhe trashëgiminë koloniale të vendit në Afrikë dhe Lindjen e Mesme.
Sidoqoftë, njoftimi i Ministres Vidal u mirëprit nga politikanë të krahut të djathtë, të cilët “ndajnë shqetësimet e saj”. /tesheshi.com/
