Nga Ermir Hoxha
Saimir Tahiri ndryshe thirret dhe si “Saje Qorri”. E ka peshqesh nga Berisha. Ky i fundit i ka specialitet llagapet karshi kundërshtarëve, përgjithësisht ato lloj që i kriminalizon me patjetër, ose që ia tregon të ndytë karakterin (“ma i zi se zija…” – thënë Anastas Angjelit) ndërsa rasti i “qorrit” është ndër të ato që buron nga një mangësi fizike – Tahiri mban syze pasi nuk sheh mirë. Dhe në gjuhën e fëmijëve, posaçërisht atyre, kjo përkthehet si “qorr”.
Një të tillë ofeze e has pikërisht tek bota çapkëne e miturakëve, që për pako gjë ia ngjisin një llagap shoku-shokut. Mirëpo Saimir Tahiri nuk është i vetmi syzëmbajtës në politikë.
Dhe nëse nisemi nga ky kriter bazë që ai të quhet “qorr” (po, mund të quhet me plot gojën miop politik, gjersa shkon e iu shet automjetin e tij kushërinjve trafikantë, të cilëve dhe jua merr sërish në një rast për një rrugë plazhi së bashku me familjen(!!!)), “qorri” më simbolik i politikës shqiptare mbetet Fatos Nano (sot pas syze), por që kurrë nuk u quajt nga Berisha si i tillë, edhe pse i kishte një numër goxha të madh.
Dhe sërish duke qëndruar tek kriteri i syzeve, do të shohim se “qorrët” i has si nga e majta ashtu dhe nga e djathta.
“Qorrët” në PS: Bashkim Fino
Ditmir Bushati
Blendi Çuçi
Lindita Nikolla
Vasilika Hysi
Qorrët në PD: Edi Paoka
Edmond Spaho
Qorrët në LSI: Petrit Vasili (por është dhe Monika që shfaqet herëpashere)
Pra, të gjithë forcat politike kanë “qorrë” në radhët e tyre, disa shumë të njohur e disa më pak. Dhe nëse nisemi nga kriteri i syzembajtjes, që të paktën deri më tani ai nënkuptohet si shkak për llagapin “Saje qorri”, i bie që ky i fundit të mos jetë i vetëm në këtë fat të vulosur.
Përkundër kësaj, ata që mbajnë syze duhet të reagojnë kundër këtij llagapi, edhe në qofshin opozitarë, pasi “qorr”, gjithnjë sipas kriterit të syzeve, vlen dhe për ta. Megjithatë, vështirë të imagjinohet se këtë mund ta bëjë Tit Vasili apo Edi Paloka. /tesheshi.com/
