Një ditë pas kryeministri Rama potencoi faktin se ndaj Saimir Tahirit ende nuk po ka një provë nga Krimet e Rënda, ish-kreu i Rendit i përfolur për afera droge është rikthyer trimërisht në politikën e ditës, pas muajsh heshtjeje dhe ndenje mënjanë.
Pas një deklarate të pazakonte në oborrin e parlamentit, e cila u lexua si një mesazh thumbues ndaj kryeministrit Rama apo ish-kolegëve të tij në grupin parlamentar socialist, Tahiri ka nxituar të shprehet në facebook, një akt që shënon rikthimin e tij në vorbullën e politikës së ditës.
“Kur gjyqin moral ta ben djalli…keshtu quhet ajo qe degjoj cdo dite nga goja e kujt ka qeverisur 25 vjet duke vrare e duke vjedhur per pushtet.
Pas thuajse 6 muajsh, shkova ne Parlament.
Kush e ka marre heshtjen time per dorezim, eshte gabuar. Eshte vetem respekt per drejtesine.
Kete rruge do ndjek me durim.
Ndersa me kete historine e mesazheve te koduara qe leshokam une, bjerini shkurt. As me duhet ti coj mesazh njeriu. Dhe po te kem, jam nga ata qe i ben drejteperdrejte.
Me intereson vetem e verteta dhe drejtesia, askush e asgje tjeter.
E nuk do ndalem!”, shkruan Tahiri. /tesheshi.com/
