Saimir Tahiri, ministri i Rendit, ka konfirmuar para pak minutash në Kuvend se Kelmend Balili do të kapet një orë e më parë dhe se operacioni për hetimin dhe kapjen e tij është bërë në bashkëpunim të ngushtë me DEA-n amerikane dhe policinë greke.
Pra ministri ka konfirmuar një lajm që tesheshi.com e botoi vetëm dy ditë më parë.
Kjo ndodhi kur kreu i Rendit i ka kthyer përgjigje deputetit Ben Blushi i cili akuzoi kryeministrin Edi Rama se nuk e arreston Kelmend Balilin për shkak se është i LSI-së dhe bie koalicioni nëse bëhet, duke shënuar pra dhe të parin rast nga politika kur dikush e përmend faktin se Balili është njeri i LSI-së.
“Për Balilin tha se nuk e arrestojmë se është i LSI… Këtu dallon Blushi nga Saliu, Saliu thotë është i joni në fakt ndaj s’e arrestojmë, kurse Blushi e minimizon, e mbajmë po ne, por për shkak se është i LSI.
Kjo është abuzive dhe ky parlament e ka bërë rrugë t’i sjellë kriminelët në foltoren e parlamentit e ka bërë rrugë të bëjë politikë me këdo lloj krimineli.
Balili s’ka rëndësi fare i kujt partie është, mund të ishte edhe i PS madje, ka rëndësi që është hetuar, është përgjegjës para ligjit dhe do arrestohet një orë e më pare.
Kjo është si e bëjmë ne punën dhe si e konceptojmë detyrën tonë në raport me atë që shkel ligjin,. Ky është dallimi ynë me të kaluarën, nëse ju i mbronit për shkak të partisë, politikës, votave ne s’mbrojmë askënd se për ne janë te barabarte para ligjit. Policia shqitpare e ka hetuar këtë zotërinë për muaj me radhë bashke me DEA-n amerikane.
Po të donim ta mbronim a nuk ju shkon në mendje që mund edhe ta njoftonim, ta kishim kursyer, mos ta kishim hetuar, se kjo është mënyra se si i trajtonit ju kriminelët partiak në të kaluarën dhe kujtoni se e bëjmë edhe ne.
Sa dekada ju duhet agjencive të zbatimit të ligjit për të arrestuar ata që janë në kërkim? Ca domethënë kjo Sa vite ju është dashur agjencive të SHBA për të arrestuar Eskobarin e vërtetë? Ca domethënë kjo që e mbronte presidenti amerikan? Politika e SHBA?”, tha Tahiri. /tesheshi.com/
