Harry Kamian, ambasadori i SHBA pranë përfaqësisë së OSBE-së në Vjenë, ka përmendur emrin e ish-ministrit të Rendit Saimir Tahiri, kjo gjatë vlerësimit të raportit mbi zgjedhjet, përgatitur nga ana e zyrës së OSBE-së në Tiranë.
“Korrupsioni dhe kriminaliteti në të vërtetë mbeten pengesa për prosperitetin në Shqipëri. Një ish-ministër i brendshëm, i cili tani është anëtar i parlamentit, është implikuar në Itali për mbështetjen e trafikantëve të drogës”.
Ky është i pari rast kur një diplomat i huaj, dhe aq me tepër amerikan, flet për Tahirin si “i implikuar” dhe jo “i dyshuar për implikim”. /tesheshi.com/
