Saimir Tahiri ka deklaruar që akuzat e Prokurorisë ndaj tij nuk janë të vërteta në asnjë pjesë dhe ka kundërshtuar me forcë akuzën se ai ka udhëtuar në Itali me vëllain e Moisi Habilajt.
Në një intervistë për Blendi Fevziun në Opinion, Tahiri ka folur edhe për kanabizimin e vendit, duke marrë mbi vete edhe përgjegjësinë politike. Por nga ana penale ka refuzuar totalisht një lidhje me Habilajt.
Çfarë lidhje familjare keni me Habilajt?
Janë kushërinj shumë të largët, me të cilët s’kam marrëdhënie.
Kishit marrëdhënie me ta, kishit një skaf me ta?
Janë kushërinj të shtatë apo të tetë. Nuk kam ngrënë drekë kurrë me ta. Nuk e njoh Dritan Zaganin. Nuk kam pasur marrëdhënie që të rri dhe të ndaj gjëra të mia. Nuk di të them nëse kemi ndenjur në festa familjare. Aq më pak të kisha marrëdhënie që të lejoja zhvillimin e aktivieteti kriminal. E vetmja marrëdhënie e imja që unë sot ndihem fajtor është që unë pak ditë pas marrjes së detyrës si ministër shita makinën. Makina u shit në një noter, u pasqyrua në regjistrin elekronik.
Pse ia shitët këtyre?
E shita me noteri.
Sa e shitët?
Nuk e kujtoj. Por me çmimin real.
Kam riudhëtuar 2 apo 3 herë, janë raste kur kam shkuar me pushime me tim bir, bashkëshorten, babin dhe nënën.
Keni qenë i shoqëurar me Artan Habilajn?
S’ka udhëtuar kurrë në makinën time ai dhe askush tjetër, kurrë.
Gabimi im është që për kollajllëk që mos përdorja makinën zyrtare që të shkoja me pushime dhe kam marrë makinën që kisha mundësi ta merrja për kollajllëk, ia kam kërkuar xhaxhait tim meqë u bë shkesi ta shisja. Unë mund të kërkoja cdo makinë, mua më shkoi në mend në atë kohë pa paragjykuar te merrja makinen qe e kisha shitur. /tesheshi.com/
