Ambasadorja amerikane Yuri Kim përcolli tjetër mesazh në kuadër të dead line-it për formimin e Gjykatës së re Kushtetuese, kësaj here edhe me entuziazmin brenda se gjithçka po shkon sipas parashikimit: më 31 dhjetor të jetë gati.
Reagimi i Kim erdhi pas parlamenti votoi emrin e 5-të Gjykatës në formim, Altin Binajn. Tashmë, në provën e madhe është presidenti Meta.
“Lajm i madh: Parlamenti miratoi gjyqtarin për Gjykatën Kushtetuese. Shqipëria tani ka nevojë për një gjykatës tjetër për një Gjykatë Kushtetuese funksionale.
Ne shpresojmë që KED të dërgojë listën e kandidatëve tek presidenti sa më shpejtë të jetë e mundur.
Kjo është një arritje madhore e cila do ta lëvizë Shqipërinë një hap më afër BE-së dhe pasqyron bashkëpunimin e fortë mes KED, Presidentit dhe Parlamentit”, shkroi Kim.
Fjalët pasuese të saj qenë një për kritikët e reformës, ku llogaritet dhe Meta.
“Reforma në Drejtësi nuk do të jetë e lehtë, e shpejtë ose e përsosur, por po bën përparim hap pas hapi – dhe duhet të vazhdojë.
Flamuri i Shteteve të Bashkuara do të vazhdojë të mbështesë fuqimisht dëshirën e njerëzve të Flamurit të Shqipërisë për një sistem gjyqësor që është transparent, i drejtë dhe plotësisht funksional”, shkroi gruaja që përfaqëson Uashingtonin në Tiranë. /tesheshi.com/
