Ka përfunduar më në fund saga e Zgjedhores, ku opozita diktoi dhe ia arriti, mosrealizimit të rekomandimit kryesor të OSBE-ODIHR-it, depolitizimit të komisioneve zgjedhore, duke i lënë ato, edhe për dy palë zgjedhje të tjera, tnë dorë të partive politike.
Edhe pse ishte pra rekomandim ODIHR-i, opozita e seriviri si skemë të mazhorancës për kapjen e komisioneve.
“Administrata zgjedhore do të mbetet sic ka qene dhe kjo formulë që do të aplikohet do të bëhet pas zgjedhjeve. U përpoqë që të kapte komisionet zgjedhore, u përpoq t’i kapte, nuk ia doli dot dhe u tërhoq”, tha Oerd Bylykbashi si përfaqësues i opozitës në tryezë.
Ndërsa kolegu i tij nga kampi tjetër, Damian Gjiknuri, potencoi faktin se ishte një rekomandim i kundërshtuar nga PD. “Një gjë dua të them pavarësisht se rekomandimi i është që administrata të ishte e depolitizuar, PD nuk ishte gati, por është e rëndësishme që tani kemi rregulla të pranuara”, tha Gjiknuri, ku në të njëjtin pozicion ishte dhe ambasadori Soreca.
“Të mërkurën ne kemi pasur një marrëveshje të mirë, por ju e dini që ka qenë opozita e bashkuar që ka kërkuar që të shikohen disa detaje të tjera, si depolitizimi i administratës, gjë që është në përputhje me rekomandimet e OSBE-ODIHR, prandaj e pranoi edhe mazhoranca”, deklaroi njeriu i Brukselit në Tiranë.
Ndërkohë, e angazhuara në maksimum për marrëveshjen, ambasadorja Yuri Kim, iu gazuar arritjes së saj, pa u ndalur te rrëzimi i rekomandimit kryesor të ODIHR-it.
“Disa do ta kritikojnë këtë marrëveshje, si jo të mjaftueshme, por po ta shikojmë në një kuadër më të gjerë, kjo është diçka për të cilët të gjithë do të japin mbështetjen e tyre”, tha përfaqësuesja e Uashingtonit në Tiranë.
Basha nga ana e tij bëri një reagim skematik, tipik prej tij. “Sot kemi hedhur një hap përpara, për të mundësuar më shumë garanci për zgjedhje të lira dhe të ndershme në Shqipëri”.
Ndërsa Rama bëri diferencën në reagime, duke zgjedhur ironinë. E kundër të tjera, në ato pak rreshta mesazhi, dhe të kuptuar se nuke shqetësonte shumë kjo gjë në raport me besimin se do fitojë dhe në zgjedhjet e ardhshme.
“Pas 3 vjetësh marshim e 3 netësh ngujim na sollën fjalën e fundit: ‘Mirë e kishim ashtu siç e kishim’. Po mirë, unë kam menduar e mendoj që ka edhe më mirë, po meqë LBPD janë të kënaqur me kaq për zgjedhjet e ardhshme, bujrum, si ta duan ata.
Rëndësi ka që: LBPD do hyjë në zgjedhje me Kodin Zgjedhor siç e deshën vetë. ODHIR është dakord që kjo nuk e cënon lirinë e zgjedhjeve. BE është e kënaqur, Shqipëria s’ka më pikëpyetje në prag të vendimit për datën e nisjes zyrtare të negociatave”. /tesheshi.com/
