Pentagoni tha të mërkurën se nuk ishte në gjendje të lëshojë dokumente për Kongresin në lidhje me hetimin ndaj presidentit Trump, duke përmendur “çështje ligjore dhe praktike”, raporton Reuters.
Në arsyetim, Pentagoni pretendon se Dhoma e Përfaqësuesve nuk kishte një rezolutë që autorizonte hetimin ndaj presidentit, dhe se nuk mund të prodhonte dokumentet brenda tetë ditëve nga afati gjyqësor.
“Departamenti nuk mund të aprovojë një kërkesë për dokumente në këtë kohë”, i shkruajti Pentagon Kongresit.
“Sidoqoftë, Pentagoni respekton rolin mbikëqyrës të komisioneve përkatëse të Kongresit dhe është i përgatitur të bashkëpunojë me komitetet tuaja nëse ka një rezolutë të përshtatshme për këtë çështje”, thuhet në përgjigje.
Demokratët në Kongresin Amerikan kanë iniciuar një proces “tërheqjeje” të presidentit Trump, duke e akuzuar atë që kërkoi ndihmë nga Ukraina për të dëmtuar reputacionin e kandidatit aktual demokrat për Presidencialet 2020, Joe Biden.
Një ditë më parë, zv/presidenti Mike Pence dhe Prokurori i Përgjithshëm Rudy Giuliani, njoftuan se ata nuk do të bashkëpunojnë në hetimin e Dhomës së Përfaqësuesve që mund të çojë në tërheqjen, sipas Reuters. /tesheshi.com/
