Situata aktuale në Evropë, ku liderët evropianë përdorin retorikë shkatërruese për të fituar mbështetje dhe përhapur urrejtje mes minoriteteve, po kujton gjithnjë e më shumë kohën para Luftës së Dytë Botërore, tha kryebashkiaku i Londrës, Sadiq Khan.
Khan, një musliman me origjinë pakistaneze, e deklaroi këtë në Gdansk, ku ai së bashku me drejtuesit e tjerë botërorë morën pjesë në përkujtimin e 80-vjetorit të shpërthimit të luftës që zgjati nga 1939 deri në 1945.
“A po jetojmë tani në një kohë të ngjashme me vitet ’30? Kujtoni se çfarë ndodhte atëherë – popullariteti i drejtuesve karizmatikë, të cilët shfrytëzuan fuqinë e urrejtjes për të krijuar përçarje dhe konflikte në komunitet, ishte në rritje”, tha ai.
“Krahasojeni atë me këtë që po ndodh tani në të gjithë Evropën. Njerëzit janë duke u përpjekur të veçojnë komunitetet duke përdorur gjuhë të urrejtjes”, tha i pari i Londrës.
“Thjesht shikoni gjuhën që përdoret nga Donald Trump dhe udhëheqësit e tjerë elektoralë në të gjithë Evropën, nga Hungaria në Poloni, Francë, Itali dhe Mbretëria e Bashkuar. Ata pretendojnë se Islami dhe Perëndimi janë të papajtueshëm”, tha Khan, i cili është përleshur vazhdimisht me Trump.
Khan e krahasoi Trump me fashistët e shekullit të 20-të.
Në Gdansk, ai shtoi se idetë si Brexit ishin shkaktuar nga politikanët që shfrytëzonin frikën e njerëzve, sesa zgjidhjen e problemeve. /tesheshi.com/
