Sadiq Khan, kreu i ri i Bashkisë së Londrës, ka dhënë të parën deklaratë politike pas marrjes së postit. Dhe pikërisht kundrejt fenomenit Trump.
“Dua të shkoj në SHBA për t’u takuar me kryetarët e bashkive atje. Por nëse Donald Trump zgjidhet president, për respekt të besimit tim më ndalohet të shkoj”, deklaroi Khan për ”Time”-s.
Siç dihet, Kahn është i pari musliman që arrin të marrë drejtimin e një prej qyteteve më të mëdha dhe më të rëndësishme europiane, ndërkohë që Trump njihet për gjuhën e tij të shfrenuar kundër muslimanëve, por dhe grupimeve të tjera, duke e shndërruar figurën e tij në atë të një ksenofobi.
”Kam besim se politika e Trumpit nuk do të fitojë në Amerikë”, tha Sadiq Kahn, duke e shprehur hapur qëndrimin e tij kundër kandidatit republikan. /tesheshi.com/
