Armando Sadiku e ka nisur me gol aktivizimin në Kupat e Europës, për Legian e Varshavës. Sulmuesi shqiptar që ka hyrë si zëvendësues në minutën e 70-të, ka shënuar një gol të rëndësishëm për skuadrën polake, e cila deri në atë moment humbte me rezultatin 2-0 ndaj kazakëve të Astanas.
Ngushtimi i rezultatit në minutën e 78-të nga ana e sulmuesit shqiptar, i ka shtuar disi shpresat për Legian, e cila synon të kalojë edhe turin e tretë paraeleminator të Champions League. Por pas këtij goli, Legia ka pësuar edhe një gol të tretë, e ndeshja u mbyll me rezultatin 3-1.
Tashmë pritet që gjithçka të zgjidhet në Varshavë, ku Legia do të provojë përmbysjen e rezultatit përballë publikut të vet. Sulmuesi Sadiku edhe njëherë e tregoi veten, e ndoshta në ndeshjen e kthimit meriton të luajë më shumë sesa 20 minuta. /tesheshi.com/
