Prej më shumë se 35 vitesh, pronar i fanellës blu me numër 10 është ish-mesfushori i kombëtares angleze Steve Hodge, i cili në fund të ndeshjes e ndërroi fanellën me Maradonën.
Fanella e veshur nga legjenda e futbollit argjentinas Diego Maradona, kur ai shënoi dy gola kundër Anglisë në çerekfinalet e Kupës së Botës 1986, do të ofrohet në ankand nga Sotheby dy vjet pas vdekjes së tij, duke shpresuar të shitet për më shumë se pesë milionë dollarë.
Prej më shumë se 35 vitesh, pronar i kësaj fanelle blu me numër 10 është ish-mesfushori i kombëtares angleze Steve Hodge, i cili në fund të asaj ndeshje e ndërroi fanellën me Maradonën.
Fitorja 2-1 e Argjentinës në çerekfinale është një nga më të diskutueshmet në historinë e Botërorit, pikërisht për shkak të golit me dorë nga Maradona, i cili nga ana tjetër ofroi spektakël në një gol të dytë, me një aksion individual nga mesfusha.
Në stadiumin Azteca në Mexico City më 22 qershor 1986, u luajt çerekfinalja e Kupës së Botës në të cilën u takuan Argjentina dhe Anglia. Pasi Hodge ktheu topin drejt portës së tij, Maradona kërceu mbi portierin e Anglisë Peter Shilton dhe çoi topin në rrjetë me dorën e ngritur mbi kokë.
“Dora e Zotit”, tha Maradona pas takimit.
Gary Lineker arriti të zvogëlojë rezultatin në 2: 1 në fund të lojës, dhe Argjentina më pas shkoi në titullin e dytë botëror.
Megjithatë, Hodge ndryshoi mendje
Ish-futbollisti anglez Steve Hodge, i cili e titulloi autobiografinë e tij “Njeriu me bluzën e Maradonës”, ia besoi fanellën Muzeut Kombëtar të Futbollit në Mançester për ta ekspozuar atje dhe premtoi pas vdekjes së Maradonës se ajo nuk ishte në shitje, pasi ka “vlera të të pabesueshme sentimentale”. Por duket se ka ndryshuar mendje.
Në një deklaratë nga Sotheby’s duke shpallur shitjen, Steve Hodge tha se ishte “i bindur se pronari i ri do të jetë shumë krenar që do të zotërojë fanellën, e cila ka një rëndësi të thellë kulturore për botën e futbollit, popullin argjentinas dhe anglez”.
Sotheby’s, e cila do të shfaqë fanellën në ambientet e saj në Londër gjatë shitjeve online nga 20 prilli deri më 4 maj, ka vendosur një çmim fillestar prej katër milionë paund, që është më shumë se 5.2 milionë dollarë.
Kjo shumë është pak më pak se një rekord prej 5.6 milionë dollarësh për shitjen në vitin 2019 të fanellës së legjendës amerikane të bejsbollit Babe Ruth, i cili luajti për New York Yankees gjatë viteve ’20. Vitin e kaluar, një fanellë e veshur nga ylli i Brooklyn Dodgers, Jackie Robinson u shit për 4.2 milionë dollarë. /tesheshi.com/
