Ka disa njerëz të cilët edhe pse koha kalon, duket sikur nuk plaken kurrë. Në të vërtetë, mund të shikojmë shumë femra e meshkuj çdo ditë, të cilëve nuk jemi në gjendje t’u përcaktojmë moshën e vërtetë që ata kanë, pasi mund të duken më të rinj seç janë në të vërtetë, apo e kundërta, pra mund të duken më të moshuar.
Kazim Gurbuz, burri që shikoni në fotografi, është një guru turk i jogës, i cili mban trupin në formë çdo ditë dhe që në fakt nuk duket aspak për moshën që ka. Ai është as më pak e as më shumë se 95 vjeç, por askush nuk e beson këtë, duke qenë se Kazim duket si 50 vjeç (për të mos thënë edhe më i ri).
Ai rrëfen se në jetën e tij ka ndjekur me përpikmëri disa rregulla, të cilat nuk i ka shkelur kurrë (ose i ka shkelur shumë rrallë) siç janë: përshëndetja me diellin që në orët e para të mëngjesit, disa minuta not çdo ditë, praktikat medituese indianë, të cilat i njeh në majë të gishtave, etj.
Kazim, siç raporton Metro, shprehet se kushdo mund të mbërrijë në moshën e tij, duke pasur të njëjtën pamje siç ai e ka, e për këtë mjafton vetëm që të kujdeset për veten.
Guruja rrëfen se sipas tij jeta nis në moshën 63 vjeçare, kur një njeri arrin pjekurinë e plotë dhe me vetëdije e i ndihmuar nga meditimi, mund të arrijë deri në moshën 103 vjeçare, në gjendje shumë të mirë shëndetësore./tesheshi.com/
