Vincent Van Gogh ka shitur saktësisht një pikturë gjatë kohës që ai ishte gjallë. Ishte një pikturë me bojë vaji e titulluar “The Red Vineyard at Arles” dhe u ble në vitin 1890 nga një miku i Van Gogh dhe e piktores Anna Boch. Ajo u shit për 400 franga në Paris dhe tani ndodhet në Moscow’s Pushkin Museum of Fine Art.
Në vitin 1868, në moshën 15 vjeçare, Van Gogh la shkollën dhe nisi të punojë pranë të vëllait, Theo, si një tregtar arti në Hagë, në firmën Goupil & Cie. Pas katër vitesh, Van Gogh u zhvendos në degën e Londrës së kompanisë, ku punoi për dy vite të tjera dhe vitin e fundit e kaloi në degën e Parisit.
Kur Van Gogh nisi të pikturojë në Bruksel në vitin 1880 ai mendoi se gjeti rrugën e tij në jetë. Artisti nisi të miqësohej me artistë të ndryshëm si Paul Gaugin dhe Henri de Toulouse-Lautre, por arrinte të mbijetonte financiarisht vetëm falë bujarisë së miqve dhe familjarëve.
Ai zakonisht jetonte me të vëllanë,Theo në Paris. Ekspozita e parë e pikturave të Van Gogh ishte në vitin 1887. Edhe pse nuk shiti asnjë pikturë, ai shkëmbeu pikturat me Gauginin, punët e së cilit kishin marrë prej kohësh vlerë komerciale. Van Gogh u vetëvra në vitin 1890, në moshën 37 vjeçare, pasi vuante nga sëmundje mendore dhe nga depresioni i thellë për vite me radhë. /tesheshi.com/
