Komuniteti Musliman ka publikuar listën e kontributeve financiare të shqiptarëve për viktimat e tërmeteve shkatërruese në Turqi, me shumën sipas qarqeve, ku kryeson Tirana.
“Thirrjes së Komunitetit Mysliman të Shqipërisë për të kontribuuar financiarisht në ndihmë të të prekurve nga tragjedia e tërmetit që ra në kufirin mes Turqisë dhe Sirisë, ju përgjigjën pozitivisht qindra e mijëra besimtarë në të gjitha xhamitë e Republikës së Shqipërisë.
Nëpërmjet Myftinive në rrethe, Komuniteti Mysliman i Shqipërisë, arriti që të mbledhë shumën totale prej 13,650,013.00 lekësh të reja për thirrjen në fjalë.
Duke falenderuar këdo që ka dhënë kontribut sipas mundësisë, me lutje drejtuar Allahut që t’i shpërblejë secilin prej tyre, Komuniteti Mysliman i Shqipërisë garanton se amaneti i tyre do të shkojë së shpejti aty për ku ata e kanë destinuar”, shkruan KMSH, duke dhënë garancinë se çdo qindarkë e dhuruar do shkojë aty për të cilën është dhuruar. /tesheshi.com/
