Siç dhe pritej, kanë reaguar dhe mediat greke ndaj procesit të prishjeve të disa ndërtimeve në Himarë, duke pretenduar se pas këtij akti – të cilin autoritetet vendore, por dhe qeveria shqiptare e arsyeton me planin e ri urbanistik – është projekti i Ramës për ta zvogëluar popullsinë minoritare në zonë.
Kështu e ka përë vizioni politik i Greqisë edhe reformën territoriale, ku Himara bashkohej me Vranishtin lab, si një projekt afatmesëm e afatgjatë, për ndryshimin e raporteve etnike në qytezën më të madhe të Bregut, pas dyndjeve që do kishte nga Labëria me hapjen e shtegut nga Lumi i Vlorës.
Mbi të gjitha, këto media e kanë pëgazuar qeverisjen e Ramës si “regjim”.
“Sistematikisht, kohët e fundit, janë shënjestruar nga regjimi i Ramës dhe janë shkatërruar shtëpi të homogjenëve, me qëllim që t’i privojnë ata nga burime financiare dhe t’i detyrojnë të largohen nga Himara, në kuadrin e një plani për reduktimin demografik të popullsisë minoritare që përbën shumicën”, shkruan Proto Thema, cituar ga TCH.
Ndërsa nga Ministria e Jashtme greke, zëdhënësi Dhimitris Tzxanakopoulos tha: “Ndjekim me shumë vëmendje ngjarjet në Himarë dhe qeveria greke po punon për mbrojtjen si të minoritareve ashtu dhe të të drejtave të pronës të minoritetit grek në Shqipëri. Iniciativat që ka marrë Ministria e Jashtme greke për mbrojtjen e këtyre të drejtave mbi pronën të minoritareve janë të qëndrueshme dhe të vazhdueshme”. /tesheshi.com/
