Vaksina ruse Sputnik V ka kaluar një fazë kryesore për përdorim në Bashkimin Evropian me Agjencinë Evropiane të Barnave (EMA) duke filluar testimin e saj, dhe autoritetet ruse kanë shprehur gatishmërinë për të siguruar vaksina për 50 milion rvropianë që nga qershori.
“Agjencia Evropiane e Barnave ka filluar një provë të vazhdueshme të Sputnik V, një vaksinë kundër COVID-19 e zhvilluar nga Qendra Ruse për Epidemiologji dhe Mikrobiologji Gamaleja,” tha agjensia të enjten.
Menjëherë pas njoftimit, Kirill Dmitriev, kreu i Fondit Rus të Investimeve Direkte (RDIF), i cili kontribuoi në zhvillimin e vaksinës, tha se sa më shpejt që EMA miraton vaksinën ruse, Rusia do të jetë në gjendje të sigurojë vaksina për 50 milion evropianë deri në qershor.
“Qëllimi është që Sputnik V të japë një kontribut të rëndësishëm për të shpëtuar miliona jetë në Evropë. Partneritetet për vaksinat duhet të jenë të ndara nga politika dhe bashkëpunimi me EMA është një shembull i shkëlqyeshëm, sepse bashkimi i forcave është mënyra e vetme për t’i dhënë fund pandemisë,” tha ai, duke theksuar se Sputnik V tashmë është aprovuar në rreth 40 vende të botës.
Agjencia Evropiane e Barnave deklaroi se koha e nevojshme për aprovimin e vaksinës duhet të jetë më e shkurtër se zakonisht, për shkak të veprimeve përgatitore tashmë të përfunduara.
Faza e parë konsiston në ekzaminimin e vazhdueshëm të të dhënave dhe provave klinike, të ndjekura nga një kërkesë zyrtare për një autorizim të kushtëzuar njëvjeçar për të vendosur vaksinën në treg.
Deri më tani, koha ndërmjet testimit të vazhdueshëm dhe aprovimit ka qenë ndërmjet dy dhe katër muaj.
Në javët e fundit, ka pasur largpamje publike midis prodhuesve të Sputnik V, të cilët thanë se ata dorëzuan vaksinën në organin rregullator evropian për miratim – EMA, e cila u përgjigj se nuk e kishte marrë kërkesën.
E mirëpritur skeptikisht në Perëndim, vaksina e parë ruse kundër COVID-19, ndërkohë bindi ekspertët, veçanërisht pasi rezultatet u botuan në revistën e specializuar The Lancet, sipas së cilës efektiviteti i vaksinës ruse është 91.6 përqind për format simptomatike të sëmundje
KE: Asnjë negociatë nuk është duke u zhvilluar
Komisioni Evropian ka thënë veçmas se nuk ka ndërmend të përfshijë Sputnik V midis vaksinave që planifikon të blejë.
“Nuk ka negociata për të përfshirë vaksinën Sputnik në atë portofol,” tha një zëdhënës i KE në Bruksel.
Tani për tani, vaksinat Pfizer / BioNTech, Moderna dhe AstraZeneca janë aprovuar në BE.
Vaksina e katërt Johnson & Johnson aplikoi për autorizim.
Dy vaksina të tjera, Novavax dhe CureVac, kanë filluar procesin e testimit të vazhdueshëm. /tesheshi.com/
