Moska është e gatshme të negociojë me NATO-n për mundësinë e përfundimit të një marrëveshje për parandalimin e incidenteve të rrezikshme ushtarake, tha të premten zëvendësministri i Jashtëm, Alexander Grushko.
“Ne kemi paraqitur një propozim për përmirësim në parandalimin e incidenteve të rrezikshme ushtarake. Për shembull, ne kemi ftuar në konsultim të drejtpërdrejtë zyrtarë ushtarakë të të gjitha vendeve që e kanë nënshkruar tashmë marrëveshje me ne në parandalimin e incidenteve të rrezikshme ushtarake, si dhe ata që duan të hyjnë në marrëveshje të tilla Ne gjithashtu thamë se brenda kuadrit të Këshillit Rusi-NATO, ne jemi të gatshëm ta diskutojmë këtë temë me NATO-n si një organizatë”, tha Grushko.
Por sipas tij, Aleanca nuk tregon ndonjë shenjë se është e gatshme ta bëjë këtë.
“Ajo që ne duam të arrijmë, është krijimi i një partneriteti sistematik Rusi-NATO, në kuptimin e ushtrimeve të mëdha ushtarake, si dhe në kuadër të grupit të projektit të Balltikut për sigurinë ajrore në rajonin e Balltikut, që përfshin zyrtarët rusë dhe zyrtarët e NATO-s dhe të vendeve të Balltikut”, tha Grushko. /tesheshi.com/
