Rusia rihap çështjen e familjes Romanov: teste ADN-je për rivarrosjen në Shën Petërsburg

Hetuesit rusë kanë zhvarrosur mbetjet mortore të carit të fundit dhe bashkëshortes së tij, në një rishqyrtim të vrasjes së tyre në vitin 1918. Ata kanë marrë mostra nga cari Nikolas II dhe gruaja e tij, Aleksandra sikundër edhe mostra nga gjaku në uniformën e gjyshit të Nikolasit, Aleksandrit II, vrarë në vitin 1881.

Këto përgatitje janë për të konfirmuar rrethanat dhe për të hequr dyshimet e vrasjes së anëtarëve të familjes Romanov, nga trupa bolshevike, në mënyrë që ata të varrosen së bashku në katedralen e Shën Petërsburgut.

Kisha Ortodokse kërkon rikontrollin e eshtrave për të konfirmuar lidhjet me të afërm që janë varrosur në vende të tjera. Rasti i vrasjes së carit dhe familjes së tij është mbyllur me kohë, që në vitin 1998 pasi testet e AND-së konfirmuan autenticitetin e eshtrave të Romanovëve në një varr masiv në Urale në vitin 1991.

Cari Nikolas II, Aleksandra, katër vajzat e tyre, dukesha e madhe Anastasia, Mara, Olga dhe Tatjana si dhe djali Tsarevich Alexei, si dhe katër anëtarë të stafit mbretëror u vranë në një qilar në shtëpinë e tyre në Ekaterinburg në vitin 1918.

Ata u rreshtuan një natë si të ishin duke bërë një foto familjare dhe u qëlluan me breshëri nga një skuadër bolshevikësh. Ata që nuk ndërruan jetë menjëherë u vranë me bajoneta.

Testet e AND-së nuk e kanë bindur kishën ortodokse ruse për shkak se eshtrat e dy pjesëtarëve të familjes, djalit dhe një prej vajzave, Marias u gjetën vetëm në vitin 2007 në një vend të ndryshëm nga i pari në Urale.

Komiteti Investigativ tashmë do të verifikojë mbetjet mortore në mënyrë që ata të varrosen se bashku me pjesën tjetër të familjes në katedralen e Shën Petërsburgut. Që të ndodhë kjo, Kisha kërkon të jetë e sigurtë se eshtrat u përkasin atyre. /tesheshi.com/